Биз, Ош шаарындагы Жаштар креативдүү хабын түзүүнүн демилгечилери, жаштарга алардын потенциалын өнүктүрүү жана ишке ашыруу үчүн ресурстарга жеткиликтүүлүктү камсыз кылуунун зарылдыгын көрүп турабыз. Биздин максат — жаштар билим алып, иштеп, өз идеяларын ишке ашыра ала турган мейкиндик түзүп, шаар менен өлкөнүн келечегин өзгөртүү.

Ош шаарындагы Жаштар Креативдүү Хабы — бул жаштар өз таланттарын өркүндөтүп, идеялар менен бөлүшүп, билим ала турган аянтча. Хаб таланттуу жаштарды бириктирип, аларга өзүн-өзү ишке ашыруу үчүн ресурстарды жана мүмкүнчүлүктөрдү берет.

Ош шаарындагы Жаштар Креативдүү Хабы — бул жаштар өз таланттарын өнүктүрүп, идеялар менен бөлүшүп, билим алып, келечекти кура турган жер. Бул жерде тренингдер, мастер-класстар өткөрүлүп, коворкинг зоналары жана подкаст студиялары уюштурулат. Хаб таланттуу жаштарды бириктирип, аларга өзүн-өзү ишке ашыруу үчүн ресурстарды жана мүмкүнчүлүктөрдү берүүчү аянтча болуп калат.

Ош шаарындагы Жаштар Креативдүү Хабы — бул долбоор, шаардын жаштарынын көйгөйлөрүн чечип, өнүгүү үчүн жаңы мүмкүнчүлүктөрдү ачууга багытталган. Биз жаштар билим алып, иштеп жана өз долбоорлорун ишке ашыра ала турган жай түзүүнү каалайбыз. Долбоорду 15 жылдан ашуун убакыттан бери Кыргызстанда жаштардын өнүгүүсү менен алектенип келе жаткан «Youth of Osh» коомдук бирикмеси демилгелеген.

Келечекте Ош шаарындагы Жаштар Креативдүү Хабы жаштар үчүн кесиптик жана чыгармачылык өсүү максаттарын бириктирген борбор болуп калат.

Бул жерде лидерлик, ишкердик жана технологиялар боюнча тренингдер жана билим берүү программалары өткөрүлөт, ошондой эле подкасттар жана видеоконтенттерди түзүү үчүн коворкинг зоналары жана медиа студиялары иштейт.
Жалпы аянты 720 м².

Хаб стартаптар үчүн инкубатор болуп, жаш ишкерлерге менторлук жана колдоо көрсөтөт. Ошондой эле ал маданий иш-чаралар жана көргөзмөлөр үчүн аянтча болуп, таланттар өздөрүн көрсөтүү мүмкүнчүлүгүнө ээ болушат.

Карьера борбору жаштарга кесиптик пландарды түзүүгө, стажировкаларды жана жумуш орундарын табууга жардам берет. Эл аралык уюмдар жана окуу жайлар менен өнөктөштүк стажировкалар жана алмашуу программалары үчүн жаңы мүмкүнчүлүктөрдү ачат, ал эми ыктыярчылык демилгелер борбору активдүү жарандык коомдун өнүгүшүнө өбөлгө түзөт. Жаштар Хабы — бул келечек, анда ар бир идея колдоо таап, ишке ашырылат.

Акыркы үч жыл ичинде биз ар кандай демилгелерди активдүү уюштуруп, кызмат көрсөтүп жана өнөктөштөрдү тартып, Жаштар Креативдүү Хабынын курулушун ишке ашыруудабыз. Максатыбызга карай жасалган ар бир кадамды жүздөгөн кайдыгер эмес адамдардын колдоосу мүмкүн кылды. Алар 1000 сомдон 100 000 сомго чейинки каражаттарды кайрымдуулук кылышып, ар бир салым биз үчүн чоң мааниге ээ болду.Биз бир катар креативдүү кампанияларды иштеп чыгып, ишке ашырдык, мисалы, дизайнердик носкилерди сатуу жана «Бир адам = бир кирпич» акциясы, анда адамдар Хаб үчүн 1000 сомдон баштап кирпич сатып алышкан. Өз мүмкүнчүлүгүнө жараша көбүрөөк кайрымдуулук кылгандар да болгон, бул курулуш процессин тездетти.

Дагы бир өзгөчө демилге «Бир уюм = бир колдоо» акциясы болду, анын алкагында коммерциялык компаниялар бири-бирине эстафета тапшырып, ар бир компания 15 000 сомдон 50 000 сомго чейин салым кошкон. Бул каражаттарды топтоого гана жардам бербестен, шаар ичиндеги компаниялар ортосундагы кызматташуу рухун да бекемдеди.

Биздин долбоор Ош шаардык мэриясынын алдындагы Жаштар комитетинин, Ош шаардык кеңешинин депутаттарынын, КР Жогорку Кеңештин, эл аралык уюмдардын, мугалимдердин жана жеке мектептердин колдоосуна ээ болгону менен сыймыктанабыз. Бул акциялар жана өнөктөштүктөр Хабдын курулушун аяктоого чоң жардам берди. Келечекте имараттын биринчи кабатына долбоорду колдогон жана жаштардын кыялдарын ишке ашырууга көмөк көрсөткөн бардык адамдардын ысымдары жазылган атайын Ардактоо тактайчасы орнотулат.